«PSJ» bosh murabbiyi Luis Enrike Chempionlar ligasi chorak finalining dastlabki uchrashuvida «Liverpul» ustidan qozonilgan 2:0 hisobidagi g‘alabadan so‘ng o‘z fikrlarini bildirib o‘tdi.
«Bu biroz alamli, albatta. Biz juda yaxshi o‘ynadik va ko‘proq gol urishga loyiq edik. Ammo bu — Chempionlar ligasi. Biz xursandmiz. Muxlislarimiz darajasiga mos o‘yin ko‘rsatdik. Oldinda hali javob bahsi bor.
«Liverpul»ni bunday holatda ko‘rish kutilmagan bo‘ldi, ular hozir o‘zgarish jarayonini boshdan kechirishmoqda. Lekin biz qaysi stadion yoki qanday o‘yin bo‘lishidan qat’i nazar, doimo g‘alaba qozonishga intilamiz. Bugungi bajarilgan ishdan mamnunmiz», — dedi Enrike Canal+ telekanaliga bergan intervyusida.
