«ПСЖ» бош мураббийи Луис Энрике Чемпионлар лигаси чорак финалининг дастлабки учрашувида «Ливерпуль» устидан қозонилган 2:0 ҳисобидаги ғалабадан сўнг ўз фикрларини билдириб ўтди.
«Бу бироз аламли, албатта. Биз жуда яхши ўйнадик ва кўпроқ гол уришга лойиқ эдик. Аммо бу — Чемпионлар лигаси. Биз хурсандмиз. Мухлисларимиз даражасига мос ўйин кўрсатдик. Олдинда ҳали жавоб баҳси бор.
«Ливерпуль»ни бундай ҳолатда кўриш кутилмаган бўлди, улар ҳозир ўзгариш жараёнини бошдан кечиришмоқда. Лекин биз қайси стадион ёки қандай ўйин бўлишидан қатъи назар, доимо ғалаба қозонишга интиламиз. Бугунги бажарилган ишдан мамнунмиз», — деди Энрике Canal+ телеканалига берган интервьюсида.
