Braziliya chempionati murabbiylar shtabida tez-tez o‘zgarishlar bo‘lishi bilan yana bir bor e’tibor markazida qoldi.

2026 yilgi mavsum 28 yanvar kuni start oldi va shu vaqt ichida 10 tur o‘tkazildi. Shu qisqa davr mobaynida 20 jamoadan 10 tasi bosh murabbiyini almashtirishga ulgurdi.

Jumladan, «Korintians», «Shapekoense», «Botafogo», «Santos», «Kruzeyro», «San-Paulu», «Flamengo», «Remo», «Vasko da Gama» va «Atletiko Mineyro» jamoalarida murabbiylar almashgan.

Ushbu qarorlar natijasida mashhur mutaxassislar — Xorxe Sampaoli va Tite, shuningdek sobiq futbolchilar Filipe Luis va Ernan Krespo ham o‘z lavozimlaridan ayrildi.

10 turdan so‘ng turnir jadvalida «Palmeyras» 25 ochko bilan peshqadamlik qilmoqda.