Бразилия чемпионати мураббийлар штабида тез-тез ўзгаришлар бўлиши билан яна бир бор эътибор марказида қолди.

2026 йилги мавсум 28 январь куни старт олди ва шу вақт ичида 10 тур ўтказилди. Шу қисқа давр мобайнида 20 жамоадан 10 таси бош мураббийини алмаштиришга улгурди.

Жумладан, «Коринтианс», «Шапекоэнсе», «Ботафого», «Сантос», «Крузейро», «Сан-Паулу», «Фламенго», «Ремо», «Васко да Гама» ва «Атлетико Минейро» жамоаларида мураббийлар алмашган.

Ушбу қарорлар натижасида машҳур мутахассислар — Хорхе Сампаоли ва Тите, шунингдек собиқ футболчилар Филипе Луис ва Эрнан Креспо ҳам ўз лавозимларидан айрилди.

10 турдан сўнг турнир жадвалида «Палмейрас» 25 очко билан пешқадамлик қилмоқда.