APLning 32-turi doirasida bo‘lib o‘tgan bahsda «Vest Xem» o‘z maydonida «Vulverxempton» ustidan 4:0 hisobida yirik g‘alabaga erishdi.
Londonliklar safida Konstantinos Mavropanos (42 va 83-daqiqalar) hamda Valentin Kastelyanos (66 va 68-daqiqalar) dublga erishishdi.
Ushbu g‘alabadan so‘ng «Vest Xem» (32 ochko) APL turnir jadvalida 17-o‘ringa ko‘tarilib oldi va «Tottenxem»ni (31 ochko) 18-o‘ringa — xavfli hududga (tushib ketish zonasiga) tushirib yubordi. «Shporlar» 32-tur doirasidagi o‘z o‘yinini 12 aprel kuni «Sanderlend»ga qarshi o‘tkazishadi.
«Vulverxempton» esa 17 ochko bilan turnir jadvalining eng so‘nggi pog‘onasida qolmoqda.
Angliya Premyer-ligasi. 32-tur
10.04.2026 | 23:59
«London Stedium», London
«VEST XEM» — «VULVERHEMPTON» — 4:0
Gollar: Konstantinos Mavropanos 42 (1:0), Valentin Kastelyanos 66 (2:0), Valentin Kastelyanos 68 (3:0), Konstantinos Mavropanos 83 (4:0).
«Vest Xem»: Xermansen, Disasi, Mavropanos, Diuf, Uoker-Piters, Fernandesh (Magassa, 85), Souchek, Sammervill (Potts, 78), Bouen, Pablo (Traore, 78), Kastelyanos (Uilson, 82).
«Vulverxempton»: Joze Sa, S. Bueno, Kreychi, Moskera (Xvan Xi Chxan, 71), Andre, Gomes, Bellegard (R. Gomesh, 61; Edozi, 85), U. Bueno, Chachua, A. Gomesh (Mane, 61), Armstrong (Arokodare, 71).
Ogohlantirishlar: Fernandesh (31), Kastelyanos (52) — Bellegard (9), Moskera (20).
