«Chelsi» yarim himoyachisi Moyses Kaysedo London klubi bosh murabbiyi Liam Rosenyor haqida o‘z fikrlari bilan o‘rtoqlashdi.
«O‘ylashimcha, u «Chelsi»da muvaffaqiyatga erishadi, ammo unga vaqt kerak, chunki u jamoaga mavsum o‘rtasida keldi. Har uch kunda o‘yin o‘tkazayotganimiz sababli, mashg‘ulotlar uchun vaqtimiz bo‘lmayapti — biz faqat tiklanyapmiz va o‘ynayapmiz, tiklanyapmiz va o‘ynayapmiz. Shu bois, uning g‘oyalariga moslashish uchun bizga vaqt kerak deb hisoblayman. Menimcha, mavsum oldi tayyorgarlik jarayoni barcha futbolchilar uchun murabbiy nimani xohlayotganini tushunib olishlari uchun juda muhim bo‘ladi», — deya Kaysedoning so‘zlarini keltirmoqda Sky Sports.
Liam Rosenyor shu yilning yanvar oyida «Chelsi» boshqaruvini qo‘lga olgan edi. Ayni damda «ko‘klar» APL turnir jadvalida 48 ochko bilan oltinchi o‘rinni egallab turishibdi.
