«Челси» ярим ҳимоячиси Мойсес Кайседо Лондон клуби бош мураббийи Лиам Росеньор ҳақида ўз фикрлари билан ўртоқлашди.

«Ўйлашимча, у «Челси»да муваффақиятга эришади, аммо унга вақт керак, чунки у жамоага мавсум ўртасида келди. Ҳар уч кунда ўйин ўтказаётганимиз сабабли, машғулотлар учун вақтимиз бўлмаяпти — биз фақат тикланяпмиз ва ўйнаяпмиз, тикланяпмиз ва ўйнаяпмиз. Шу боис, унинг ғояларига мослашиш учун бизга вақт керак деб ҳисоблайман. Менимча, мавсум олди тайёргарлик жараёни барча футболчилар учун мураббий нимани хоҳлаётганини тушуниб олишлари учун жуда муҳим бўлади», — дея Кайседонинг сўзларини келтирмоқда Sky Sports.

Лиам Росеньор шу йилнинг январь ойида «Челси» бошқарувини қўлга олган эди. Айни дамда «кўклар» АПЛ турнир жадвалида 48 очко билан олтинчи ўринни эгаллаб туришибди.