«Manchester Yunayted» APL 32-turi doirasida o‘z maydonida «Lids»ga imkoniyatni boy berdi — 1:2.
Mehmonlar safida Noa Okafor dubl qayd etdi. Shveysariyalik futbolchi 5 va 29-daqiqalarda raqib darvozasini ishg‘ol qildi.
56-daqiqada Lisandro Martines chetlatilgach, mankunianliklar bir kishi kam bo‘lib qolishdi. Bir kishi kam bo‘lib o‘ynashiga qaramay, «MYU» bitta javob to‘pini kiritishga muvaffaq bo‘ldi — 69-daqiqada Kazemiro o‘z nomini tabloga yozdirib qo‘ydi.
Hozirda «Manchester Yunayted» 55 ochko bilan APLda uchinchi o‘rinni egallab turibdi. «Lids» esa Angliya chempionatidagi olti o‘yinlik g‘alabasiz seriyasiga chek qo‘ydi va turnir jadvalida 15-o‘ringa ko‘tarilib oldi.
«MANCHESTER YUNAYTED» — «LIDS» — 1:2
Gollar: Noa Okafor 5 (0:1), Noa Okafor 29 (0:2), Kazemiru 69 (1:2).
«Manchester Yunayted»: Lammens, Martines, Yoro, Shou, Mazraui (Dalot, 70), Kazemiru, Ugarte, Brunu Fernandesh, Kunya, Diallo (Mbemo, 70), Sheshko.
«Lids»: Darlou, Biyol, Streyk, Djastin, Ampadu, Tanaka (Gruyev, 74), Gudmundsson, Bogl, Aaronson (Longstaff, 86), Okafor (Nyonto, 74), Kalvert-Lyuin.
Ogohlantirishlar: Kunya (18), Shou (49), Brunu Fernandesh (64) — Djastin (39), Ampadu (86). Chetlatish: Lisandro Martines 56 («Manchester Yunayted»).
