Angliya chempionatining 32-turi doirasida kechgan bahsda «Lids» jamoasi «Manchester Yunayted» ustidan g‘alaba qozondi. Ushbu natijadan klub hujumchisi Dominik Kalvert-Lyuinning boshi osmonda.
«Bu biz uchun juda muhim natija va ulkan g‘alaba. Biz bu yerga faqat g‘alaba qozonish uchun kelgandik, shijoatimiz ham shunga yarasha edi. O‘yin rejasini to‘liq bajardik va uch ochkoga ega bo‘ldik. Hamma xursand. Biz Premyer-ligada qolishimiz shart», — deya ingliz futbolchisining so‘zlarini keltiradi BBC Sport.
Eslatib o‘tamiz, Dominik to‘p suradigan klub ayni damda APL turnir jadvalida 15-o‘rinni egallab turibdi. «Manchester Yunayted» esa mag‘lubiyatga qaramay, klassifikasiyada uchinchi pog‘onada qoldi.
