«Arsenal» vingeri Gabriel Martinelli Chempionlar ligasi yarim finalida Madridning «Atletiko» jamoasiga qarshi kechadigan qarama-qarshilik haqidagi fikrlari bilan o‘rtoqlashdi.

«Yarim finalda "Atletiko" bilan o‘yinlarni intiqlik bilan kutyapmiz. Biz mavsum boshida ular bilan to‘qnash kelgandik [4:0 hisobidagi g‘alaba], lekin bu safar hammasi mutlaqo boshqacha bo‘lishi aniq. Biz o‘tgan yilni yodga olishimiz va o‘shanda yo‘l qo‘yilgan xatolarni to‘g‘irlashimiz kerak», — dedi Martinelli o‘yindan keyingi intervyusida.

Dastlabki uchrashuv 29 aprel kuni Madridda bo‘lib o‘tsa, Londondagi javob jangi 5 may kuniga rejalashtirilgan.