«Арсенал» вингери Габриэл Мартинелли Чемпионлар лигаси ярим финалида Мадриднинг «Атлетико» жамоасига қарши кечадиган қарама-қаршилик ҳақидаги фикрлари билан ўртоқлашди.
«Ярим финалда "Атлетико" билан ўйинларни интиқлик билан кутяпмиз. Биз мавсум бошида улар билан тўқнаш келгандик [4:0 ҳисобидаги ғалаба], лекин бу сафар ҳаммаси мутлақо бошқача бўлиши аниқ. Биз ўтган йилни ёдга олишимиз ва ўшанда йўл қўйилган хатоларни тўғирлашимиз керак», — деди Мартинелли ўйиндан кейинги интервьюсида.
Дастлабки учрашув 29 апрель куни Мадридда бўлиб ўтса, Лондондаги жавоб жанги 5 май кунига режалаштирилган.
