«Santos» hujumchisi Neymarning fikricha, futbol o‘zgarib ketgan, shu sababli hozirda texnik mahorati yuqori futbolchilar kam qolgan.

«Futbol o‘zgardi. Endi unda kuch va shiddat (intensivlik) ustunlik qilmoqda, shu bois biz to‘p bilan ishlashda alohida mahoratga ega bo‘lgan butun bir avlodni — driblerlarni yo‘qotyapmiz. Hozirda bundaylar juda kam: Vinisius Junior, Rodrigo, Sherki... boshqasini aytolmayman. Qachonki o‘z jismoniy kuching ustida ishlashni boshlasang, qobiliyatingning bir qismini yo‘qotasan. Futbol juda jismoniy sport turiga aylanib qoldi», — deya Neymarning so‘zlarini keltiradi The Touchline.

Joriy mavsumda 34 yoshli braziliyalik futbolchi barcha musobaqalarda 8 ta o‘yinda maydonga tushib, 5 ta gol urdi va 3 ta golli uzatmani amalga oshirdi.