«Сантос» ҳужумчиси Неймарнинг фикрича, футбол ўзгариб кетган, шу сабабли ҳозирда техник маҳорати юқори футболчилар кам қолган.

«Футбол ўзгарди. Энди унда куч ва шиддат (интенсивлик) устунлик қилмоқда, шу боис биз тўп билан ишлашда алоҳида маҳоратга эга бўлган бутун бир авлодни — дриблерларни йўқотяпмиз. Ҳозирда бундайлар жуда кам: Винисиус Жуниор, Родриго, Шерки... бошқасини айтолмайман. Қачонки ўз жисмоний кучинг устида ишлашни бошласанг, қобилиятингнинг бир қисмини йўқотасан. Футбол жуда жисмоний спорт турига айланиб қолди», — дея Неймарнинг сўзларини келтиради The Touchline.

Жорий мавсумда 34 ёшли бразилиялик футболчи барча мусобақаларда 8 та ўйинда майдонга тушиб, 5 та гол урди ва 3 та голли узатмани амалга оширди.