Ўзбекистон Суперлигасида 19-тур учрашувлари ортда қолди. Тур доирасида 8 та баҳс ўтказилиб, пешқадамлар кураши ва турнир жадвалининг қуйи қисмида муҳим натижалар қайд этилди.

Пешқадам "Нефтчи" ўз майдонида "Сўғдиёна"ни 3:0 ҳисобида ишончли мағлуб этиб, очколари сонини 45 тага етказди. Фарғоналиклар энг яқин таъқибчиси "Пахтакор"дан 5 очко олдинда бормоқда.

"Пахтакор" эса Самарқандда "Динамо" билан 1:1 ҳисобида дуранг ўйнади ва 40 очко билан иккинчи ўринда қолди.

"Навбаҳор" Ғузорда "Машъал"ни 2:0 ҳисобида мағлуб этиб, 37 очко билан учинчи поғонадаги ўрнини мустаҳкамлади.

Турнинг энг йирик ҳисобларидан бири Тошкент дербисида қайд этилди. "Локомотив" "Бунёдкор"ни 4:1 ҳисобида тор-мор келтириб, 31 очко билан бешинчи ўринга жойлашди.

"Насаф" учун эса тур омадсиз ўтди. Қаршиликлар сафарда "Қизилқум"га 0:1 ҳисобида имкониятни бой берди. Натижада "Насаф" 25 очко билан 9-ўринда қолди.

"Андижон" "Хоразм" устидан 1:0 ҳисобида ғалаба қозонган бўлса, "Қўқон-1912" — "Бухоро" учрашуви 1:1, "Сурхон" — ОКМК баҳси эса 0:0 ҳисобида якунланди.