Лондоннинг «Арсенал» клуби Мадриднинг «Атлетико» жамоаси ҳужумчиси Хулиан Альваресни ўз сафига қўшиб олиш ҳаракатларини давом эттирмоқда.

Журналист Ариэль Сеносиаин хабарига кўра, «тўпчилар» аргентиналик форвард учун 125 миллион евро ва қўшимча 10 миллион евро бонус таклиф қилган. «Атлетико» бу таклифга розилик билдирган.

Бироқ футболчининг ўзи ҳозирча Англияга қайтишни истамаяпти ва «Барселона»га ўтишга умид қилмоқда. «Арсенал» эса Альварес фикрини ўзгартириши мумкинлигини инобатга олиб, кутишга тайёр.

Хулиан Альварес аввал Англия Премьер-лигасида «Манчестер Сити» шарафини ҳимоя қилган. Transfermarkt портали 26 ёшли футболчининг трансфер қийматини 100 миллион еврога баҳоламоқда. Унинг «Атлетико» билан амалдаги шартномаси 2030 йилнинг ёзига қадар мўлжалланган.