«Трабзонспор» ҳужумчиси Муҳаммад Салоҳ Трабзонга сафари чоғида ўтирган оддий тош маҳаллий диққатга сазовор жойга айланди.

Goal нашри хабар беришича, мухлислар ва сайёҳлар ўша жойга келиб, суратга тушиш ва мисрлик футболчининг позасини такрорлашни бошлаган.

Ҳаммаси Салоҳ Туркиянинг шимоли-шарқида жойлашган Кюрдере платосида тушган суратларини ижтимоий тармоқларда эълон қилганидан кейин бошланган. Суратларда футболчи у ердаги тошлардан бирида ўтирган ҳолда акс этган.

Фотосуратлар тезда ижтимоий тармоқларда тарқалиб кетгач, мухлислар ва сайёҳлар айнан ўша тошни топиш учун бу ерга кела бошлаган.

Маҳаллий аҳоли уни «Салоҳташи», яъни «Салоҳ тоши» деб атаган. Туркия платформалари бу жойга қандай бориш мумкинлигини кўрсатувчи видеоларни тарқата бошлаган, тош яқинида эса махсус кўрсаткич ҳам ўрнатилган.

Бу воқеа «Трабзонспор»нинг «Галатасарой» устидан 4:0 ҳисобида ғалаба қозонган ўйинидан кўп ўтмай содир бўлди. Ўша учрашувда Салоҳ учта гол урди ва битта голли узатмани амалга оширди.