Испаниялик журналистлар Жуд Беллингем яқиндаги Мадрид дербисида Кристиан Ромерога нималар деганини маълум қилди.
Учрашув эпизодларидан бирида «Реал» ярим ҳимоячиси «Атлетико» ҳимоячиси ёнига бориб, унга нимадир деган. Madrid Xtra нашри Movistar маълумотига таяниб хабар беришича, англиялик футболчи Аргентина терма жамоаси ва Лионель Месси мавзусини кўтарган.
«Месси ёнингда бўлса, жуда кўп гапирасан. Аммо бу ерда сен ҳеч кимсан», — деган Беллингем Ромеронинг қўпол фолидан кейин юзага келган оғзаки тортишув пайтида.
Тахминларга кўра, аргентиналик футболчи ҳам жавобан Беллингемга жаҳон чемпионати ярим финалини эслатган. Ўша баҳсда Англия терма жамоаси Аргентинага мағлуб бўлган эди.
Якшанба куни бўлиб ўтган «Атлетико» — «Реал» Мадрид дербиси 2:1 ҳисобида «Атлетико» ғалабаси билан якунланди.
