«An-Nasr» hujumchisi Krishtianu Ronaldu ijtimoiy tarmoqlarda yangi post qoldirdi. 41 yoshli portugaliyalik futbolchi o‘zining did bilan tanlangan och rangdagi kostyumdagi bir nechta suratini e’lon qildi.
Ronaldu kuzatuvchilaridan uning tashqi ko‘rinishiga baho berishni so‘ragan ko‘rinadi. «Nima deb o‘ylaysiz?» — deya suratlarga izoh qoldirgan futbolchi.
Eslatib o‘tamiz, «An-Nasr»ning so‘nggi o‘yinida Krishtianu Ronaldu ikkinchi bo‘lim oxirida zaxiraga olingan edi. O‘yindan so‘ng jamoa bosh murabbiyi Jorje Jezush Ronalduning sog‘lig‘ida muammolar yuzaga kelgani haqida gapirgandi. «Al-Nasr» navbatdagi uchrashuvini 19 aprel kuni OFK Chempionlar Ligasi 2 doirasida «Al-Vasl»ga qarshi o‘tkazadi.
