«Ан-Наср» ҳужумчиси Криштиану Роналду ижтимоий тармоқларда янги пост қолдирди. 41 ёшли португалиялик футболчи ўзининг дид билан танланган оч рангдаги костюмдаги бир нечта суратини эълон қилди.
Роналду кузатувчиларидан унинг ташқи кўринишига баҳо беришни сўраган кўринади. «Нима деб ўйлайсиз?» — дея суратларга изоҳ қолдирган футболчи.
Эслатиб ўтамиз, «Ан-Наср»нинг сўнгги ўйинида Криштиану Роналду иккинчи бўлим охирида захирага олинган эди. Ўйиндан сўнг жамоа бош мураббийи Жорже Жезуш Роналдунинг соғлиғида муаммолар юзага келгани ҳақида гапирганди. «Ал-Наср» навбатдаги учрашувини 19 апрель куни ОФК Чемпионлар Лигаси 2 доирасида «Ал-Васл»га қарши ўтказади.
