Lionel Messi «Kolorado Repids» darvozasiga ikkita gol urdi.

«Inter Mayami» hujumchisi MLS muntazam mavsumi doirasidagi o‘yinning 18-daqiqasida penaltini aniq amalga oshirgan bo‘lsa, 79-daqiqada o‘yindan gol urdi.

Endilikda 38 yoshli argentinalik yulduzning faoliyati davomida urgan gollari soni 905 taga yetdi. U «Barselona» tarkibida 672 ta, Argentina terma jamoasida 116 ta, «Inter Mayami»da 85 ta va «PSJ» safida 32 ta gol urgan. Messi, shuningdek, 407 ta golli uzatmani ham amalga oshirgan.

«An-Nasr» klubida to‘p surayotgan Krishtianu Ronaldu esa faoliyati davomida 968 ta gol urishga muvaffaq bo‘lgan.