«Lion» hujumchisi Endrik murabbiy Paulu Fonseka tomonidan uning manziliga bildirilgan tanqidiy fikrlarga munosabat bildirdi. Yaqinda portugaliyalik mutaxassis braziliyalik futbolchining so‘nggi o‘yinlaridagi harakatlaridan hayratda emasligini va undan ko‘prog‘ini kutayotganini ochiqchasiga ma’lum qilgan edi.

Yakshanba kuni 19 yoshli futbolchi «PSJ»ga qarshi kechgan va «Lion»ning g‘alabasi (2:1) bilan yakunlangan Liga 1 bahsi qahramonlaridan biriga aylandi — u o‘z hisobiga gol va golli uzatmani yozdirib qo‘ydi.

«Murabbiyning men haqimdagi gaplarimi? U bilan hech qanday muammom yo‘q. Bunday fikrlardan hech qachon xafa bo‘lmayman — shunchaki o‘zimni yanada qattiqroq ishlashga majbur qilaman. Men maydonda javob berishim kerakligini bilaman», — deya Endrikning so‘zlarini keltirmoqda Madrid Zone.

Eslatib o‘tamiz, yosh hujumchi «Lion» safida Madridning «Real» klubidan ijara asosida to‘p surmoqda.