«Лион» ҳужумчиси Эндрик мураббий Паулу Фонсека томонидан унинг манзилига билдирилган танқидий фикрларга муносабат билдирди. Яқинда португалиялик мутахассис бразилиялик футболчининг сўнгги ўйинларидаги ҳаракатларидан ҳайратда эмаслигини ва ундан кўпроғини кутаётганини очиқчасига маълум қилган эди.

Якшанба куни 19 ёшли футболчи «ПСЖ»га қарши кечган ва «Лион»нинг ғалабаси (2:1) билан якунланган Лига 1 баҳси қаҳрамонларидан бирига айланди — у ўз ҳисобига гол ва голли узатмани ёздириб қўйди.

«Мураббийнинг мен ҳақимдаги гапларими? У билан ҳеч қандай муаммом йўқ. Бундай фикрлардан ҳеч қачон хафа бўлмайман — шунчаки ўзимни янада қаттиқроқ ишлашга мажбур қиламан. Мен майдонда жавоб беришим кераклигини биламан», — дея Эндрикнинг сўзларини келтирмоқда Madrid Zone.

Эслатиб ўтамиз, ёш ҳужумчи «Лион» сафида Мадриднинг «Реал» клубидан ижара асосида тўп сурмоқда.