Англиялик машҳур собиқ ҳимоячи Гари Невилл ЖЧ-2026 ярим финалида Англия терма жамоасининг Аргентинага қарши ўйиндаги имкониятларини баҳолади.
Учрашув 15 июль куни бўлиб ўтади. «Манчестер Юнайтед»нинг собиқ ўйинчисига кўра, инглизлар рақибнинг камчиликларидан фойдаланиб, финалга чиқишлари керак.
«Аргентина терма жамоасида ўйнаётган марказий ҳимоячиларга назар солсак, биз уларга камида иккита гол урмаслигимизни тасаввур ҳам қила олмайман. Биз аргентиналикларга қараганда тезкорроқ ва чаққонроқмиз, таркибимиз ҳам сифатлироқ», — деди Невилл The Overlap подкастида.
Бир кун аввал Испания ва Франция терма жамоалари ўртасида биринчи ярим финал баҳси бўлиб ўтади.
