Мадриднинг "Реал" клуби бош мураббийи Жозе Моуриньо Испания грандига қайтганидан кейинги илк машғулотга 11 нафар футболчини жалб этди.
Маълум қилинишича, Моуриньо ихтиёрида ҳозирча асосан ҳимоя чизиғи вакиллари мавжуд бўлиб, ярим ҳимоя ва дарвоза чизиғида футболчилар тақчиллиги кузатилмоқда.
"Дарвозабонлардан Моуриньо ихтиёрида ҳозирча фақат Андрей Лунин бор. Ҳимоячилар — Эдер Милитао, Трент Александер-Арнольд, Рауль Асенсио, Альваро Каррерас, Ферлан Менди ва Дин Хёйсен. Номинал ярим ҳимоячи ҳам ҳозирча бир нафар — Эдуардо Камавинга. Моуриньо қўл остидаги илк машғулот сессиясида уч нафар ҳужумчи иштирок этади: Родриго, Гонсало Гарсия ва Франко Мастантуоно. Машғулот душанба, 13 июль куни эрталаб бўлиб ўтади", — дейилади хабарда.
Эслатиб ўтамиз, аввалроқ "Реал"нинг мавсум олдидан ўтказадиган илк ўртоқлик учрашуви рақиби маълум бўлган эди: 1 август куни Испания клуби Австриянинг Клагенфурт шаҳрида Италиянинг "Фиорентина" жамоасига қарши майдонга тушади.
