Birlashgan Arab Amirliklarida markazlashtirilgan tartibda o‘tkazilayotgan Osiyo Chempionlar ligasi 2 musobaqasining G‘arb mintaqasida ikkinchi yarim finalchi nomi ma’lum bo‘ldi.
Chorak finalning so‘nggi bahsida Qatarning «Al-Ahli» jamoasi Iordaniyaning «Al-Husayn» klubiga qarshi maydonga tushdi va 3:1 hisobida g‘alaba qozonib, yarim final yo‘llanmasini qo‘lga kiritdi.
Uchrashuvning 2-daqiqasidayoq Eksposito hisobni ochgan bo‘lsa, 21-daqiqada Qashi muvozanatni tikladi. Ikkinchi bo‘limda qatarliklar bosimni oshirishdi va 65-daqiqada Yulian Draksler jamoasini oldinga olib chiqdi. Bahsga qo‘shib berilgan daqiqalarda Vlap penaltini aniq amalga oshirib, yakuniy hisobni belgiladi.
Endilikda «Al-Ahli» jamoasi final yo‘llanmasi uchun 22 aprel kuni Saudiya Arabistonining «An-Nasr» klubiga qarshi bahs olib boradi. Ushbu juftlik g‘olibi final uchrashuvida Sharq mintaqasi vakili — Yaponiyaning «Gamba Osaka» jamoasi bilan bosh sovrin uchun kurashadi.
OCHL-2. Chorak final
«Al-Ahli» (Qatar) — «Al-Husayn» (Iordaniya) — 3:1
Gollar: Eksposito (2), Draksler (65), Vlap (90+7, pen.) — Qashi (21).
