«Atletiko» hujumchisi Xulian Alvares, Kataloniya klubining moliyaviy qiyinchiliklariga qaramay, shu yozda «Barselona»ning asosiy transfer maqsadi bo‘lib qolmoqda. Bu haqda jurnalist Ben Jeykobs xabar bermoqda.
«Atletiko» Alvaresni saqlab qolish uchun kurashadi va hujumchini 2019 yilda Antuan Grizmann «Barselona»ga o‘tgan narxdan (104 million funt yoki taxminan 120 million yevro) qimmatroqqa baholamoqda.
Shuningdek, futbolchi borasida APL klublaridan, xususan, «Arsenal»dan dastlabki so‘rovlar kelib tushgan.
