Angliya futbol assosiasiyasi mamlakat chempionati taqvimidagi o‘zgarishlarni tasdiqladi. Unga ko‘ra, 37-turning yangi sana va vaqtlari, shuningdek, «Manchester Siti» hamda «Kristal Pelas» o‘rtasidagi 31-turdan o‘rin olgan bahsning o‘tkazilish muddati rasman tasdiqlandi.
«Manchester Siti» – «Kristal Pelas» uchrashuvi dastlab «shaharliklar»ning kubok bahslaridagi ishtiroki tufayli 22 mayga ko‘chirilgan edi, biroq yakunda ushbu o‘yin 13 may kuni o‘tkaziladigan bo‘ldi. APLning «Bornmut» – «Manchester Siti» va «Chelsi» – «Tottenxem» uchrashuvlari esa 17 maydan 19 mayga ko‘chirildi. Bunga «Siti» va «Chelsi» jamoalarining 16 may kuni bo‘lib o‘tadigan Angliya Kubogi finalidagi ishtiroki sabab bo‘lgan.
Agar «Aston Villa» yoki «Nottingem Forest» Yevropa Ligasi finaliga yo‘l olsa, ularning ishtirokidagi chempionat o‘yini 15 may kuni bo‘lib o‘tadi.
