Англия футбол ассоциацияси мамлакат чемпионати тақвимидаги ўзгаришларни тасдиқлади. Унга кўра, 37-турнинг янги сана ва вақтлари, шунингдек, «Манчестер Сити» ҳамда «Кристал Пэлас» ўртасидаги 31-турдан ўрин олган баҳснинг ўтказилиш муддати расман тасдиқланди.

«Манчестер Сити» – «Кристал Пэлас» учрашуви дастлаб «шаҳарликлар»нинг кубок баҳсларидаги иштироки туфайли 22 майга кўчирилган эди, бироқ якунда ушбу ўйин 13 май куни ўтказиладиган бўлди. АПЛнинг «Борнмут» – «Манчестер Сити» ва «Челси» – «Тоттенхэм» учрашувлари эса 17 майдан 19 майга кўчирилди. Бунга «Сити» ва «Челси» жамоаларининг 16 май куни бўлиб ўтадиган Англия Кубоги финалидаги иштироки сабаб бўлган.

Агар «Астон Вилла» ёки «Ноттингем Форест» Европа Лигаси финалига йўл олса, уларнинг иштирокидаги чемпионат ўйини 15 май куни бўлиб ўтади.