«Manchester Yunayted» sardori Brunu Fernandesh jamoaning sobiq murabbiyi Ruben Amorim unga topshirgan rol o‘ziga ma’qul kelganini tan oldi. Portugaliyalik mutaxassis o‘z vatandoshini tez-tez markaziy yarim himoya juftligida o‘ynatar edi, bu esa ko‘pchilikning fikricha, futbolchining kreativlik qobiliyatini cheklab qo‘ygan. Biroq Fernandeshning o‘zi bunga boshqacha qaraydi.

«Ruben qo‘l ostida o‘ynagan uslubim menga juda yoqardi, chunki bunday rolda o‘zimni yanada total futbolchi kabi his qilardim», — dedi Brunu Sky nashriga bergan intervyusida.

Yanvar oyida Amorimning o‘rnini Maykl Kerrik egalladi va u Fernandeshni hujumga yaqinroq bo‘lgan odatiy pozisiyasiga qaytardi. Hozirda yarim himoyachi bir mavsumdagi golli uzatmalar soni bo‘yicha Premyer-liga rekordini takrorlashga bir qadam qoldi — uning hisobida hozircha 19 ta assist mavjud.