Taniqli sobiq futbolchi Kris Satton «PSJ»ning Chempionlar ligasi finaliga yo‘l olganidan so‘ng o‘z fikrlarini bildirdi. Yarim finalning javob uchrashuvida Luis Enrike jamoasi safarda «Bavariya» bilan durang o‘ynadi (1:1).
«Luis Enrike jamoasidan naqadar ajoyib o‘yin! Odatda «PSJ» deganda ko‘z oldimizga yorqin va hujumkor futbol keladi, ammo bugun ular o‘z xarakterini ham ko‘rsata olishdi. Himoyadagi tashkilotchilik yuqori darajada bo‘ldi. Pacho va Markinyos ort chiziqda juda mazmunli o‘yin namoyish etishdi, shu bilan birga jamoa doimiy ravishda xavf tug‘dirib turdi.
Bu «PSJ» ijrosidagi boshqacha uslubdagi o‘yin bo‘ldi. Myunxenga kelib, «Bavariya» maydonida shunday keskin muhitda kerakli natijaga erishish — bu chinakam mahorat belgisidir», — dedi Satton BBC Radio 5 Live efirida.
Eslatib o‘tamiz, Chempionlar ligasi finalida «PSJ» «Arsenal»ga qarshi maydonga tushadi.
