Таниқли собиқ футболчи Крис Саттон «ПСЖ»нинг Чемпионлар лигаси финалига йўл олганидан сўнг ўз фикрларини билдирди. Ярим финалнинг жавоб учрашувида Луис Энрике жамоаси сафарда «Бавария» билан дуранг ўйнади (1:1).

«Луис Энрике жамоасидан нақадар ажойиб ўйин! Одатда «ПСЖ» деганда кўз олдимизга ёрқин ва ҳужумкор футбол келади, аммо бугун улар ўз характерини ҳам кўрсата олишди. Ҳимоядаги ташкилотчилик юқори даражада бўлди. Пачо ва Маркиньос орт чизиқда жуда мазмунли ўйин намойиш этишди, шу билан бирга жамоа доимий равишда хавф туғдириб турди.

Бу «ПСЖ» ижросидаги бошқача услубдаги ўйин бўлди. Мюнхенга келиб, «Бавария» майдонида шундай кескин муҳитда керакли натижага эришиш — бу чинакам маҳорат белгисидир», — деди Саттон BBC Radio 5 Live эфирида.

Эслатиб ўтамиз, Чемпионлар лигаси финалида «ПСЖ» «Арсенал»га қарши майдонга тушади.