«Manchester Siti» ustozi Xosep Gvardiola juma kungi matbuot anjumanida yarim himoyachi Rodrining holati haqida to‘xtalib o‘tdi. Ispaniyalik futbolchi so‘nggi bir nechta o‘yinlarni, jumladan, 3:3 hisobida yakunlangan «Everton»ga qarshi bahsni ham o‘tkazib yubordi.
«Rodri hali ham o‘zini to‘liq qulay his qilmayapti. Biz uning holatini bugun kechroq yoki ertaga baholaymiz. Rodrining yo‘qligi «Everton»ga qarshi o‘yinning ikkinchi bo‘limidagi tartibsizlikka ta’sir qildimi? Bu Rodriga bog‘liq emas edi. Raqibga gol urish imkoniyatini o‘zimiz berib qo‘ydik, lekin bu Rodri yo‘qligi sababli sodir bo‘lmadi», — dedi Gvardiola.
Shanba, 9 may kuni «Manchester Siti» o‘z maydonida «Brentford»ni qabul qiladi.
