«Манчестер Сити» устози Хосеп Гвардиола жума кунги матбуот анжуманида ярим ҳимоячи Родрининг ҳолати ҳақида тўхталиб ўтди. Испаниялик футболчи сўнгги бир нечта ўйинларни, жумладан, 3:3 ҳисобида якунланган «Эвертон»га қарши баҳсни ҳам ўтказиб юборди.
«Родри ҳали ҳам ўзини тўлиқ қулай ҳис қилмаяпти. Биз унинг ҳолатини бугун кечроқ ёки эртага баҳолаймиз. Родрининг йўқлиги «Эвертон»га қарши ўйиннинг иккинчи бўлимидаги тартибсизликка таъсир қилдими? Бу Родрига боғлиқ эмас эди. Рақибга гол уриш имкониятини ўзимиз бериб қўйдик, лекин бу Родри йўқлиги сабабли содир бўлмади», — деди Гвардиола.
Шанба, 9 май куни «Манчестер Сити» ўз майдонида «Брентфорд»ни қабул қилади.
