«Barselona» himoyachisi Erik Garsiya Madridning «Real» klubi bilan o‘yin oldidan jurnalistlar bilan suhbatlashdi. Xans-Diter Flik jamoasiga chempionlikni kafolatlash uchun bo‘lajak «el klasiko»da bir ochko kifoya qiladi.

«So‘nggi ikki yilda «Real»ga qarshi juda yaxshi o‘ynayapmiz. Ha, birinchi davrada Madridda mag‘lub bo‘ldik, lekin hozir ajoyib holatdamiz. Bu ideal ssenariy: biz o‘z stadionimizda, muxlislarimiz ko‘z o‘ngida «el klasiko»da chempion bo‘lishimiz mumkin. «Real» eng asosiy raqibimiz bo‘lib qolmoqda, shuning uchun o‘yin o‘ziga xos bo‘ladi.

Bizga durang ham yetarli, lekin biz g‘alaba qozonishga harakat qilamiz. Maydonga tushib, xuddi allaqachon chempion bo‘lgandek o‘ynash xato bo‘lardi. Durang haqida emas, g‘alaba haqida o‘ylash kerak», – deya Garsiyaning so‘zlarini Barca Universal nashri keltirmoqda.

Uchrashuv yakshanba kuni Toshkent vaqti bilan soat 00:00 da (11 mayga o‘tar kechasi) boshlanadi.