«Manchester Yunayted» bosh murabbiyi Maykl Kerrik jarohat olgan hujumchi Benyamin Sheshkoning holati haqidagi ma’lumotlar bilan o‘rtoqlashdi. Sloveniyalik futbolchi «qizil iblislar»ning oldingi ikki o‘yinida bittadan gol urishga muvaffaq bo‘lgan edi.
«Liverpul»ga qarshi kechgan va 3:2 hisobidagi g‘alaba bilan yakunlangan so‘nggi uchrashuvda hujumchi jarohati sababli tanaffusda majburiy ravishda almashtirilgan edi. Shanba kuni mankunianliklar safarda «Sanderlend»ga qarshi bahs olib borishadi.
«Sheshko o‘ynay oladimi? Ko‘ramiz. U hali umumiy guruhdagi to‘liq mashg‘ulotlarga qaytgani yo‘q», – dedi Kerrik matbuot anjumanida.
«MYU»ning «qora mushuklar»ga qarshi o‘yini Toshkent vaqti bilan soat 19:00 da boshlanadi.
