Ispaniya La Ligasining 35-turi doirasida «Real Sosyedad» o‘z maydonida «Betis»ni qabul qildi. To‘rtta gol va bitta chetlatish kuzatilgan bahsda jamoalar murosa ko‘chasini tanlashdi.
Uchrashuvning 47-daqiqasiga kelib mehmonlar ikki to‘p farqi bilan oldinga chiqib olishgandi. «Betis» safida Antoni va Ez Abde o‘z ismini tabloga yozdirib qo‘ydi. Biroq mezbonlar o‘yin so‘ngida iroda ko‘rsatib, muvozanatni tiklashga muvaffaq bo‘lishdi: Orri Oskarsson va Mikel Oyarsabal (penaltidan) gol urib, jamoasini mag‘lubiyatdan qutqarib qoldi.
O‘yinning qo‘shimcha vaqtida sevilyaliklar hujumchisi Aytor Ruibal ikkinchi sariq kartochkani olib, maydonni tark etdi.
Ushbu natijadan so‘ng «Betis» 54 ochko bilan turnir jadvalida 5-o‘rinni egallab turibdi. 44 ochko jamg‘argan «Real Sosyedad» esa 8-pog‘onadan joy olgan.
«REAL SOSYEDAD» — «BETIS» — 2:2
Gollar: Antoni 39 (0:1), Abde Ezzalzuli 47 (0:2), Orri Oskarsson 79 (1:2), Mikel Oyyarsabal 90+1-pen (2:2).
«Real Sosyedad»: Remiro, Chaleta-Sar, Xon Martin, S. Gomes, Elustondo (Karrera, 77), Gorrotchategi, Soler (Marin, 54), Barrenechea, Kubo (Suchich, 54), Oskarsson, Oyyarsabal.
«Betis»: Valyes, Lyorente, V. Gomes, Rodriges (Belyerin, 69), Ruibal, Altimira (Amrabat, 69), Roka, Pablo Fornals (Isko, 69), Ezzalzuli, Antoni (Rikelme, 59), Ernandes (Deossa, 78).
Ogohlantirishlar: Barrenechea (62), Oskarsson (83) — Ruibal (64), Lyorente (90).
Chetlatish: Ruibal (90, ikkinchi sariq).
