Opta superkompyuteri Angliya Premyer-ligasi chempionligi uchun kurashayotgan «Arsenal» va «Manchester Siti»ning imkoniyatlarini yangiladi. Bu haqda OptaJoe ijtimoiy tarmoqlarda xabar berdi.

So‘nggi o‘yinlarda «Arsenal» «Vest Xem»ni 1:0 hisobida mag‘lub etdi, «Manchester Siti» esa «Kristal Pelas»dan 3:0 hisobida ustun keldi. Shu natijalardan so‘ng, superkompyuter «Arsenal»ning chempionlik imkoniyatini 86,5%, «Manchester Siti»nikini esa 13,5% deb baholamoqda.

Hozirda «Arsenal» 36 o‘yindan so‘ng 79 ochko bilan birinchi o‘rinda bormoqda. «Manchester Siti» esa xuddi shuncha o‘yinda 77 ochko jamg‘arib, ikkinchi o‘rinni egallab turibdi. Qolgan ikki turda «shaharliklar» «Bornmut» va «Aston Villa» bilan, «to‘pchilar» esa «Byornli» hamda «Kristal Pelas» bilan kuch sinashadi.