«Manchester Yunayted» yarim himoyachisi Brunu Fernandesh Angliya Premyer-ligasida bir mavsumda amalga oshirilgan golli uzatmalar soni bo‘yicha rekordni takrorlaganidan so‘ng o‘z fikrlarini bildirdi. 37-tur doirasidagi «Nottingem Forest»ga qarshi o‘yinda (3:2) portugaliyalik futbolchi APLning joriy mavsumidagi o‘zining 20-assistini qayd etdi.
«Hech bo‘lmasa yana bitta golli uzatmani amalga oshirishim men uchun qanchalik muhimligini hamma bilardi. Jamoadoshlarim mening paslarimdan so‘ng gol urish uchun borini berishdi. Bugun, ehtimol, darvozaga zarba berish o‘rniga pas berishim kerak bo‘lgan vaziyatlar ham bo‘ldi. Golli uzatmadan juda xursandman, lekin hammasidan ham g‘alaba qozonganimizdan va uydagi mavsumni yuqori notada yakunlay olganimizdan mamnunman», — deya Fernandeshning so‘zlarini keltiradi ESPN.
Angliya chempionatining 37 ta uchrashuvidan so‘ng mankunianliklar 68 ochko to‘plab, turnir jadvalida uchinchi o‘rinni egallab turibdi. «O‘rmonchilar» esa 43 ochko bilan 16-pog‘onadan joy olgan.
