«Manchester Siti» «Bornmut» bilan durang o‘ynaganidan (1:1) so‘ng, Pep Gvardiola «Arsenal»ni Angliya chempionatidagi g‘alaba bilan tabrikladi.
«Futbolislar bor kuchlarini berishdi, butun mavsum davomida juda, juda va juda qiyin sharoitlarda oxirigacha kurashishdi.
Biz so‘nggi pallada muvaffaqiyatga erishishga juda yaqin kelgandik, ammo butun «Manchester Siti» klubi va jamoam nomidan «Arsenal» hamda Mikel Artetani ushbu chempionlik bilan tabriklayman. Ular bunga loyiq edilar», – dedi «Man Siti» bosh murabbiyi.
