«Aston Villa» bosh murabbiyi Unai Emeri Yevropa ligasi finalida «Frayburg» ustidan qozonilgan g‘alabadan (3:0) so‘ng, o‘z faoliyatida besh marta yevrokubok turnirlarida g‘olib chiqqan tarixdagi to‘rtinchi mutaxassisga aylandi.
Bundan avval u «Sevilya» bilan uch marta (2014, 2015, 2016 yillar) va «Vilyarreal» bilan bir marta (2021 yil) Yevropa ligasida zafar quchgan edi.
Shuningdek, yevrokuboklarda beshta g‘alabaga ega bo‘lgan murabbiylar sirasiga qudagilar kiradi: Karlo Anchelotti (Chempionlar ligasida ikki marta «Milan» va uch marta «Real» bilan), Joze Mourinyo (Chempionlar ligasida ikki marta — «Portu» va «Inter» bilan, UEFA Kubogida «Portu» bilan, Yevropa ligasida «Manchester Yunayted» va Konferensiyalar ligasida «Roma» bilan) hamda Djovanni Trapattoni (UEFA Kubogida ikki marta «Yuventus», bir marta «Inter» bilan, shuningdek, Kubok egalari kubogida ikki marta «Yuventus» bilan).
