«Астон Вилла» бош мураббийи Унаи Эмери Европа лигаси финалида «Фрайбург» устидан қозонилган ғалабадан (3:0) сўнг, ўз фаолиятида беш марта еврокубок турнирларида ғолиб чиққан тарихдаги тўртинчи мутахассисга айланди.
Бундан аввал у «Севилья» билан уч марта (2014, 2015, 2016 йиллар) ва «Вильярреал» билан бир марта (2021 йил) Европа лигасида зафар қучган эди.
Шунингдек, еврокубокларда бешта ғалабага эга бўлган мураббийлар сирасига қудагилар киради: Карло Анчелотти (Чемпионлар лигасида икки марта «Милан» ва уч марта «Реал» билан), Жозе Моуриньо (Чемпионлар лигасида икки марта — «Порту» ва «Интер» билан, УЕФА Кубогида «Порту» билан, Европа лигасида «Манчестер Юнайтед» ва Конференциялар лигасида «Рома» билан) ҳамда Джованни Трапаттони (УЕФА Кубогида икки марта «Ювентус», бир марта «Интер» билан, шунингдек, Кубок эгалари кубогида икки марта «Ювентус» билан).
