41 yoshli portugaliyalik forvard Krishtianu Ronaldu Saudiya Arabistoni chempionati to‘purarlar poygasida uchinchi o‘rinni egalladi. Faoliyatida ilk bor ushbu mamlakat chempioniga aylangan futbolchining hisobida 28 ta gol (2 tasi penaltidan) mavjud.
Chempionlik taqdiri hal bo‘lgan so‘nggi turda Ronaldu «Damak» darvozasiga ikkita gol urdi — birini jarima zarbasidan, ikkinchisini esa o‘yindan kiritdi. Shunga qaramay, unga yetakchilarga yetib olish nasib etmadi.
To‘purarlar poygasida 32 ta gol bilan ikkinchi pog‘onani «Al-Ahli» safida to‘p surayotgan va ilgari «Brentford» sharafini himoya qilgan angliyalik Ayven Touni egalladi. Birinchi o‘rin esa Meksika terma jamoasi a’zosi Xulian Kinyonesga nasib etdi. U «Al-Qodisiya» klubi tarkibida raqiblar darvozasini naqd 33 bor ishg‘ol qilishga muvaffaq bo‘ldi.
