«Bavariya» hujumchisi Xarri Keyn Germaniya Kubogi finalida «Shtutgart»ga qarshi o‘yinda (3:0) xet-trik qayd etdi.
32 yoshli ingliz futbolchisi 2025/26 yilgi mavsumning 51 ta uchrashuvida 61-golini urdi. Uning hisobida Germaniya chempionatida 36 ta, mamlakat kubogida 10 ta, Chempionlar ligasida 14 ta va Germaniya Superkubogida 1 ta gol mavjud.
Bu Keynning faoliyatidagi eng yaxshi natijadir. Bungacha bo‘lgan rekord 2023/24 yilgi — «Bavariya»dagi debyut mavsumida kiritilgan 44 ta gol edi. Umumiy hisobda Keyn myunxenliklar safida 147 ta o‘yinda maydonga tushib, 146 ta gol urdi va 33 ta golli uzatmani amalga oshirdi.
