«Manchester Yunayted» Angliya chempionatining so‘nggi 38-turida safarda «Brayton» darvozasiga javobsiz uchta gol urib, yirik g‘alabani qo‘lga kiritdi — 3:0.
Uchrashuvda Patrik Dorgu, Brayan Mbeumo va Brunu Fernandesh o‘z nomini tabloga yozdirib qo‘ydi. Brunu Fernandesh nafaqat gol urdi, balki bitta golli uzatmani ham amalga oshirdi. Joriy mavsumdagi 21-golli uzatmasi bilan portugaliyalik yarim himoyachi APLning yangi rekordini o‘rnatdi.
Mavsum yakunlariga ko‘ra, «Manchester Yunayted» 71 ochko bilan turnir jadvalida 3-o‘rinni egalladi. «Brayton» esa 53 ochko bilan 8-pog‘onada joylashdi.
Ushbu natijalardan so‘ng, «MYU» keyingi mavsumda Chempionlar ligasida, «Brayton» esa Konferensiyalar ligasida ishtirok etadi.
Angliya Premyer-ligasi. 38-tur
24.05.2026 | 20:00 «Falmer Stedium», Brayton
«BRAYTON» — «MANCHESTER YUNAYTED» — 0:3
Gollar: Patrik Dorgu 33 (0:1), Brayan Mbeumo 44 (0:2), Brunu Fernandesh 48 (0:3).
«Brayton»: Verbryuggen, Ferdi Kadioglu, Dank, van Xekke, Viffer, Milner (Baleba, 59), Gros, De Keyper (Minte, 46), Xinshelvud (Ryutter, 74), Gomes (March, 59), Uelbek (Kostulas, 59).
«Manchester Yunayted»: Lammens, Shou (Malasia, 82), Martines, Maguayr, Mazraui (Yoro, 74), Maynu, Maunt (Fletcher, 74), Dorgu (Leysi, 62), Brunu Fernandesh, Diallo, Mbeumo (Zirkze, 74).
Ogohlantirish: Maynu (45).
