«Bryugge» darvozaboni Simon Minyole futbolchilik faoliyatini yakunlaganini e’lon qildi.

«Tuyg‘ularimni ifodalash uchun so‘zlar ojiz… Meni qo‘llab-quvvatlagan va menga ishongan barchadan bir umr minnatdorman. Faoliyatimni ushbu ajoyib klubda, muxlislar, klub xodimlari va yaqinlarim qurshovida yakunlash men uchun katta sharaf», — deb yozdi 38 yoshli belgiyalik darvozabon.

Eslatib o‘tamiz, Simon Minyole 2013 yildan 2019 yilgacha «Liverpul» sharafini himoya qilgan va 2019 yilda Chempionlar ligasi g‘olibi bo‘lgan. «Bryugge» safida esa u 5 marta Belgiya chempioni, bir marta mamlakat Kubogi va ikki bor Superkubok sohibiga aylangan. Darvozabon Belgiya terma jamoasi safida 35 ta o‘yinda maydonga tushgan hamda 2018 yilgi Jahon chempionatining bronza medali sohibi bo‘lgan.