«Barselona» darvozaboni Joan Garsiya yakunlangan La Liga mavsumida eng ko‘p «quruq o‘yin» o‘tkazgan posbon bo‘ldi. Ispaniyalik darvozabon 30 ta o‘yindan 15 tasida o‘z darvozasi daxlsizligini saqlab qolgan.
Ikkinchi o‘rinni «Real» darvozaboni Tibo Kurtua band etdi — u 32 ta uchrashuvdan 13 tasida gol o‘tkazib yubormadi. Uchinchi pog‘onani esa «Xetafe» vakili David Soriya egalladi: uning hisobida 38 ta o‘yindan 12 tasi «quruq» o‘tgan.













