O‘zbekiston milliy terma jamoasining sobiq bosh murabbiyi Valeriy Nepomnyashiy Osiyo vakillarining JCH-2026dagi ishtirokidan nimalar kutayotganini aytdi.
«Shubhasiz, oxirgi 20 yil ichida O‘zbekistonda futbol yangi bosqichga chiqa oldi, hozir u yerda asr boshidagi muammolar qolmagan. Jamoaning Jahon chempionatiga chiqqani esa buning yaqqol tasdig‘idir. Menimcha, pley-offga chiqish uchun imkoniyatlar bor va ular ancha yaxshi. Barcha yangi holatlar va imkoniyatlarni hisobga olsak, bu amalga oshishi mumkin», — dedi Nepomnyashiy.
O‘zbekiston terma jamoasi o‘z tarixida ilk bor Jahon chempionatida ishtirok etadi. Guruh bosqichida jamoamizga quyidagi raqiblar to‘qnash keladi:
Kolumbiya (18 iyun);
Portugaliya (23 iyun);
DR Kongo (28 iyun).
