Ўзбекистон миллий терма жамоасининг собиқ бош мураббийи Валерий Непомнящий Осиё вакилларининг ЖЧ-2026даги иштирокидан нималар кутаётганини айтди.

«Шубҳасиз, охирги 20 йил ичида Ўзбекистонда футбол янги босқичга чиқа олди, ҳозир у ерда аср бошидаги муаммолар қолмаган. Жамоанинг Жаҳон чемпионатига чиққани эса бунинг яққол тасдиғидир. Менимча, плей-оффга чиқиш учун имкониятлар бор ва улар анча яхши. Барча янги ҳолатлар ва имкониятларни ҳисобга олсак, бу амалга ошиши мумкин», — деди Непомнящий.

Ўзбекистон терма жамоаси ўз тарихида илк бор Жаҳон чемпионатида иштирок этади. Гуруҳ босқичида жамоамизга қуйидаги рақиблар тўқнаш келади:

Колумбия (18 июнь);

Португалия (23 июнь);

ДР Конго (28 июнь).