«Manchester Siti» hujumchisi Erling Xoland o‘z jamoasining 2025/26 yilgi mavsumi haqida fikr bildirdi.

«Bu mavsum bir tekis o‘tgani yo‘q, lekin biz olg‘a intilishda va eng nufuzli sovrinlar uchun kurashishda davom etamiz. Biz aynan shu maqsadlar uchun o‘ynaymiz va yana barcha turnirlarda g‘alaba qozonish uchun kurashmoqdamiz. Bernardu Silva va Jon Stouns bilan birga o‘ynash, albatta, Pep Gvardiola bilan ishlash katta zavq bag‘ishladi.

Bu ajoyib sayohat edi, ammo endi ularsiz ham olg‘a intilishda va kurashishda davom etishimiz kerak. Ular — klubning haqiqiy afsonalari», — deya 25 yoshli norvegiyalik hujumchining so‘zlarini keltiradi PA.

Eslatib o‘tamiz, «Manchester Siti» Angliya chempionatida 38 ta o‘yindan so‘ng 78 ochko jamg‘arib, ikkinchi o‘rinni egalladi. «Arsenal» esa 85 ochko bilan chempionlikni qo‘lga kiritdi. Xoland esa 27 ta gol bilan APLning eng yaxshi to‘purariga aylandi.