«Manchester Siti» yulduzi Erling Holand bosh murabbiy Xosep Gvardiola, himoyachi Jon Stounz va yarim himoyachi Bernardu Silvaning jamoani tark etishiga munosabat bildirdi.
«Bernardu va Jon bilan bir jamoada o‘ynaganimdan xursandman. Gvardiola bilan ko‘plab sovrinlarni qo‘lga kiritdik. Silva va Stounz — ajoyib futbolchilar. Pep bilan bosib o‘tilgan yo‘l hayratlanarli bo‘ldi. Birgalikda erishgan yutuqlarimizdan faxrlanishimiz kerak», — deya norvegiyalik hujumchining so‘zlarini keltiradi Goal.com portali.
Eslatib o‘tamiz, Gvardiola 2016 yildan beri «shaharliklar»ni boshqarib kelayotgan edi. Yakunlangan Angliya premyer-ligasi mavsumida «Manchester Siti» ikkinchi o‘rinni egalladi. Shuningdek, jamoa Liga kubogi va Angliya kubogida g‘oliblikni qo‘lga kiritdi.
